Саяси экономика ғылыми-зерттеу орталығы

PERC 2020 жылы қыркүйекте құрылған және Қазақстан мен Орталық Азиядағы саяси экономиканы зерттеу бойынша бірінші және жалғыз орталық болып табылады. PERC М.Нәрікбаев атындағы ҚазГЮУ Университетінің Экономика Жоғарғы Мектебі шеңберінде саяси экономика, экономика, әлеуметтану және мемлекеттік саясат саласындағы ғылыми зерттеулерді ілгерілету, сондай-ақ Қазақстанның және Еуразия аймағының үдемелі әлеуметтік-экономикалық дамуына ықпал ету мақсатында жұмыс істейді.

МИССИЯ:

Біз саясат пен экономика бір-бірімен тығыз байланысты және бір өлшемді құрайтынын мойындаймыз. Әлеуметтік-экономикалық, саяси процестер мен шындықты дұрыс түсіну үшін саяси институттар мен субъекттер қатысатын экономикалық контекстті зерттеу өте маңызды. Сенімді экономикалық талдау ресурстарының қалай бөлінетіндігін және үлестірімге тарихи жағдайлар, саяси институттар мен дәстүрлер әсерін зерттеуді қажет етеді. Жалпы тарихымен, экономикалық және саяси жағдайдың айқынсыздығы, экологиялық осалдықпен және ықтимал қақтығыстарымен ерекшеленетін Еуразиялық аймақта саяси және экономикалық процестердің өзара байланысын түсінуге көп қырлы көзқарас қажеттілігі бұрынғыдан да зор. PERC-тің мақсаттары прогрессивті саясатты әзірлеу және прогрессивті қозғалыстарды қолдау, сыни саяси экономиканы зерттеуге және таратуға ықпал ету, үстемдік етуші экономикалық ортодоксияға қарсы балама әдістерді әзірлеу. PERC позициясы қазіргі заманғы капитализмді және Еуразиялық аймақ елдерінде үстемдік ететін неолибералды басқару табиғатын сыни тұрғыдан түсінуге негізделген, және саяси экономика әдістері мен талдаулары арқылы осындай баламаларды жасауды көздейді. Біздің интеллектуалды мазмұнымыз бен бағытымыз негізгі экономиканы сыни тұрғыдан түсінуге негізделген, бірақ плюралистік платформаны қолдана отырып, біз әлеуметтік шындықты зерттеудегі пәнаралық және көп өлшемді әдісті құптаймыз.

Біз әр түрлі теориялық және практикалық мәселелер бойынша академиялық және ғылыми ұйымдармен, мемлекеттік органдармен сындарлы өзара әрекеттесуге тырысамыз. Біз академиялық пәндер бойынша саяси экономика және экономика туралы түсініктерімізді тереңдетуге тырысамыз. Біз зерттеулерді қолдаймыз және Қазақстан, Еуразиялық аймақ және бұрынғы кеңестік республикалар туралы интеллектуалды пікірталастарды құптаймыз және осы аймаққа қызығушылық танытқан ғалымдар мен ұйымдар арасындағы ғылыми және академиялық ынтымақтастықты дамытуға тырысамыз. PERC Қазақстан мен Еуразия аймағында жалпы білім мен қоғамдық қызығушылықты арттыру мақсатында зерттеу мен оқытудағы ең жоғары стандарттарды ұстанады.

 

Жетекшісі: Акижанов К.Б., PhD, КазГЮУ Экономика жоғарғы мектебінің ассоциированный профессоры

 

PERC жобалары:

 

Қонақ спикерлерімен бірге жүргізілетін ғылыми семинарлар сериясы
«Қазақстан үшін жаңа саяси және экономикалық курс» тақырыбындағы ғылыми жұмыстар сериясы
Glocal Transformation in Central Asia
Тема: Cambridge Workshop on 30 years of economic reforms in Russia and Central Asia - recording